Ang Pagbasa at Pagsusuri ng Iba’t Ibang Teksto Tungo sa Pananaliksik ay batayang aklat na naaayon sa kahingian ng batayang aralin sa Grade 11. Alinsunod sa itinatakda ng kurikulum, naglalaman ito ng iba’t ibang tekstong deskriptibo, naratibo, impormatibo, persuweysib, argumentatibo, at prosidyural na hahasa sa kakayahan sa pagbasa at pagsusuri ng mga mag-aaral. Tatalakayin din ang mga batayang kaalaman at kakayahan sa pagbuo ng papel-pananaliksik. Tiniyak na naaangkop at pinaunlad ang mga gawain sa bawat aralin ayon sa itinatakdang mga kasanayan sa K to 12 ng Kagawaran ng Edukasyon.